Torsa - Torsa

19-01-2013 11:15:20 WIB

Mara naso boi juaon ni nasa jolma. Molo nungnga songoni pangalean nituhani naikkon I do jaloon alana songon nabiasa dihataon nasa jolma apalagi saonarion holan mangarencanaon do boi anggo manottuhon holan ibana do naboi (Tuhan) .

Songon barita ni angka natua – tua naparjolo, adong ma sada baoa namaringanan dihuta si Dogor-dogor Pangururan dipulau Samosir. Goarna ima Guru Hatimbulon.Guru hatimbulan didokmai sada sibaso manang pandita goar ni datu arak ni pane . Nungnga mansai leleng parsaripean nasida namargoarhon Nansindak Panaluan (ripena) alai ndang radope marianakhon.

Tung ngolgolan do guru hatimbulan dohot ripena I paima – ima andigan lehonnonna dakdanak tu nasida. Martamiang pesai digogoi nasida asa anggiat dilehon tu nasida dakdanak. Marlasnirohama nasida ala dibenge tuhan do alu-alu nasida I .Ndang sadia leleng hamil ma ripenai . Aha ma namasa tunasida? Mansai leleng do asa tubu-tubuan ripenai. Sampe do angka dongan sahutana heran marnida halakki ala dibereng Nansindak ndang ro dope tubuan anak. Ditingkii masa ma hapar,mataniari pe tung mansai marsipidas jala ndang tartaon nasida lasniari i .Dohot tanope angka siltak ala logoniari. Alanii dohot raja ni huta gelisah mamereng namasai.Ala dung songoni namasai laho ma ibana (raja)mandapothon guru hatimbulan naeng manghataon boasa sampe saonari ndang adong perubahan. Alana menurut raja nihuta ndang dope hea masa songonon. Laho ma nasida mangalu-alu tu Debata dohot maksud mangalului aha alana umbaen sampe songonon. Ditingki i ndang borhat dope nasida naeng mangalualu didokhon guru hatimbulanna tu rajai, aha haroa saonari daso tarjadi sude boi tarjadi ninna mangalusi .

Roma muse raja bius manghataon , alana sude jolma heran do jala sungkun-sungkun boasa ripemu nungnga mansai leleng ndang dope tubuan anak ninna rajai. Dohot dukunpe mandok ripemi nungnga pelelenghu ndang marna tubuan anak . umbenge hatanai mangamukma guru hatimbulan , marbadai ma nasida alai ndang adong na hassitan manang ise. Tingki ima muse ripena I tubuan anak jala silinduat, baoa dohot boru.Umbege baritai udanpe ro ma tung mansai doras . Sude angka suan-suanan tubu mansai bagak-bagak alanii lasma rohani guru hatimbulan , maneat lombu ma nasida songon tanda lasni rohana suang songoni dohot mangusir angka roha hajahaton manang padamehon.

Huhutma dijou penetua-penetua dohot raja adat.nalaho manjamu dohot paboahon naung tubu gellengnai . Dungi dibahen ma goarni sibaoai si Aji DondaHatahutan dohot boru ima goarna si boru TapiNauasan . dung sidung pestai sude angka pamili manang angka tuturna mandok asa unang sama manang asa dipisaon anaknai.Umbege hatani jolma tung alo do rohani guru hatimbulan jala dipatorang ma tu ibana molo anak silinduat apalagi anak dohot boru ndang boi sama dijaga alana boi do ninna I siboan mara.Smpe do jolma mandok asa anggiat disirang na duai .Alai tong do dijugulhon guru hatimbulan. Leleng nunga leleng jala balgama anaknai ,alai ahana didokni angka raja naparjolo tu guru hatimbulan parbuktido. Dung sidung pestai lao ma guru hatimbulan mamukka sada sopo-sopo naeng inganan ni anakna na duai ima namringanan di pusuk buhit dohot di boan sada biang. Jadi tiap ari do bapanai mamboan manang manaruhon indahan nasida. Dungi balgama borunai ima sitapinauasan. Dinasa hali laho ma ibana mardalan laos tompuma di ida ibana siallangon na margoar piu-piu tanggule manang hau tada-tada na gok suga di bonana. Sai ro do ijurna marnida buahni tada-tada laos dijukkit ibana jala di allang buahnai massai manis, alanii laos diallang hau tada-tada ma ibana dang boi be turun, dang bot be mataniari di ida si Aji donda ma ibotonai dang di jabu. Sai dilului ma huhut marpikkiri tu dia do lao ibotonai. Adong ma di bereng ibana bogas ni pat na mirip dohot bogas ni ibotonai, sai di ihuthon ma torus huhut di jou-jou goar ni iboto nai, di bereng bapanai ma dang adong jolma di jabu di bereng ma nungga lokkot ibotonai di hau tada-tada I laos di jakkit ibana ma dohot maksud asa mamotong ibotonai, laos dohot ma ibana di allang haui, suang songoni ma biangna. Di na sahali di bereng bapana ima dang adong jolma di jabu/ di gubuk na gelleng di bereng ma hape nungga lokkot be anaknai dohot biangna, tarsonggot ma ibana mamereng na masai mamittor laho ma ibana manjou datu dohot angka dongan sahutana. Angka datu, tungkang sihir dohot angka ahli na mansai jago nungga berusaha nanaeng manolong alai dang adong hasilna, mala dohot do angka datui di allang hau tada-tadai sampe ma guru hatimbulan habis sude.

Disahali adong ma sada datu mandokkon na boi do tolong onna nasida alai dang pe nungga habis sude akka arta ni guru hatimbulan dang parduli sasude asalma boi selamat akka anakkonna, marsogotnai laho ma nasida dohot datui( datu parpansaginjang) dohot maksud laho manolong anakkonnai hape tamba so tarida do halaki sude, alai adong ma suara di bege na mandok ” ale bapa dohot inang na manubuhon au” umbegei tarsonggot ma guru hatimbulon huhut di alusi ; unang ma kutuk au alai kutuk ma dirim sandiri, alana ho do na laho tu lombang, jala ho do na di pukkul dohot tukkot ai naso boi marpinompar do ho, dungi mangkatai ma tondi: molo songoni do bapa mulai saonari baen ma panjou udan molo logo ni ari, padamehon roha ni pamarenta ta dalam negeri dongan molo porang, dohot akka panggoari tu na so denggan, dungi sae ma akka masalah, marlaoan ma nasa jolma sian ingannani jala laho tu tujuanna sandiri. Songoni ma cerita ni silinduat.

Sumber :NN